GREQI– Një ngjarje e rëndë raportohet të ketë ndodhur mbrëmjen e kësaj të marte në Greqi, ku një grup shqiptarësh prej 7 personash kanë debatuar dhe janë përleshur fizikisht me njëri-tjetrin, teksa kanë qenë në një bar.
Sipas mediave greke, si pasojë e përplasjeve me armë mes tyre, ka mbetur i vrarë aksidentalisht një tjetër shqiptar, që nuk kishte lidhje me grupin që po konfliktohej.
Episodi i përgjakshëm ka ndodhur në orën 23:40 të së martës mbrëma në një kafe në Athinë.
Mësohet se gjithçka ka nisur prej një grupi prej shtatë shqiptarësh të cilët ende pa u ulur mirë në kafene kanë nisur të debatojnë.
Pas debatit të shtatë dolën në rrugë jashtë kafenesë dhe njëri prej tyre nxori armën duke qëlluar, ku për pasojë mbeti i vrarë një tjetër shqiptar, i cili siç u konstatua nuk kishte lidhje me grupin e bashkëatdhetarëve.
Pas ngjarjes, grupi prej 7 personash është zhdukur në drejtim të panjohur, ndërsa policia ka mbërritur menjëherë në vendin e ngjarjes.
