Një çift bashkëshortësh janë gjetur të vrarë në një apartament në Verona në Itali. Viktimat janë Giampaolo Turazza dhe Vilma Vezzaro , përkatësisht 75 dhe 73 vjeç.
Djali i tyre Osvaldo Turazza, 55 vjeç është i dyshuari kryesor si autor i ngjarjes së rëndë.
Mediat italiane raportojnë se fillimisht djali ka goditur me thikë në fyt babin, ndërsa më pas nënën, e cila është gjetur e vdekur në koridor në tentativë për tu arratisur.
Bashkëshortët u vranë mbrëmjen e së hënës, por vrasja u zbulua ditën e djeshme.
