KAVAJË– Një incident i rëndë është shënuar pasditën e sotme në Kavajë. Mësohet se një 32-vjeçar i identifikuar me inicialet I.H ka mbetur i plagosur pasi ballkoni i banesës së tij u shemb pjesërisht dhe ai ra poshtë. 32-vjeçari është dërgfuar menjëherë në spital ku dhe po merr ndihmën e nevojshme mjekësore. Ndërkohë grupi hetimor i ngritur nga Policia e Kavajës po punon për zbardhjen e plotë të rrethanave të ngjarjes.
NJOFTIMI I POLICISË:
Kavajë/Informacion paraprak. Më datë 20.12.2022, rreth orës 15:30, në lagjen nr. 5, në Kavajë, është shembur pjesërisht ballkoni i katit të tretë të një pallati dhe për pasojë ka rënë nga ballkoni, shtetasi I. H., 32 vjeç. Si pasojë 32-vjeçari është dëmtuar dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të ngjarjes.
