KOSOVË– Një ngjarje e rëndë është regjistruar në Kosovë mesditën e sotme. Raportohet se një burrë ka qëlluar me armë zjarri nënë e bijë duke i lënë të plagosura. Ato janë dërguar menjëherë në spital dhe ndodhet nën kujdesin e mjekëve. Siç shihet edhe në pamjet e publikuara nga mediat në Kosovë në vendin e ngjarjes ndodhen forca të shgumta policie ndërkohë makina ku ndodhi plagosja është akoma në vendin e ngjarjes. Policia po heton ngjarjen.
NJOFTIMI I POLICISË:
Sot rreth orës 11:45, policia ka marrë informatën për një plagosje me armë zjarri të ndodhur në rrugën ” Besa Besë” në Fushë Kosovë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare dyshohet se nga një person i dyshuar, me armë zjarri janë plagosur dy persona (të dyja të gjinisë femërore), të cilat janë dërguar për tretman mjekësor.
