MALIQ– Një ngjarje e rëndë sa për pak nuk përfundoi në tragjedi është regjistruar dy ditë më parë në fshatin Bregas të Maliqit. Sipas Policisë një 38-vjeçar i identifikuar me inicialet I.D ka dhunuar fizikisht kunatën e tij dhe më pas e ka kërcënuar se do ta vrasë me armën e gjahut, të cilën e kishte me leje. Ndaj saj është lëshuar menjëherë një urdhër mbrojtjeje nga Gjykata. Ai tashmë do të përballet me akuzën e “dhunës në familje”.
NJOFTIMI I POLICISË:
Specialistët për Hetimin e Krimeve të Komisariatit të Policisë Maliq arrestuan në flagrancë shtetasin I. D., 38 vjeç, banues në fshatin Bregas, Maliq, për veprën penale “Dhuna në familje”. Ky shtetas, më datë 26.12.2022, në fshat, dyshohet se ka ushtruar dhunë fizike ndaj kunatës së tij dhe e ka kanosur atë me një armë gjahu (që e posedonte me leje), e cila u sekuestrua në cilësinë e provës materiale. Ndaj kunatës së shtetasit I. D. u plotësua kërkesë-padia për lëshimin e urdhrit të mbrojtjes së menjëhershme.
