KOSOVË– Moti i keq, ka shkaktuar një ngjarje tepër të rëndë dhe tragjike mbrëmjen e 24 qershorit në Pejë, Kosovë. Edhe pse shumë pak ditë na ndajnë nga muaji më i nxehtë i vitit, duket se temperaturat në Pejë nuk po i përshtaten kohës.
Dita e djeshme ka qenë e karakterizuar me reshje të shumta, përmbytje gjë e cila ka sjellë shumë vështirësi për qytetarët dhe për një nënë e një fëmijë, ajo ditë është kthyer në tragjedi.
Një fëmijë 5-vjeç dhe nëna e tij, mbetën të vdekur si pasojë e motit të keq. Si fillim u rregjistrua vdekja e të birit, e më pas e nënës së tij, ku kjo e fundit rezultoi e humbur për disa momente.
