PEQIN– Një 20-vjeçar i identifikuar me inicialet D.H ka humbur jetën mbrëmjen e djeshme pasi është zënë poshtë nga zetori teksa ishte duke punuar tokën. Ngjarja e rëndë ka ndodhur në fshatin Çengelaj. Për shkak të plagëve të marra Policia bën me dije se i riu ka gjetur vdekjen në vendngjarje.
NJOFTIMI I POLICISË:
Mbrëmjen e djeshme, në fshatin Çengelaj, Peqin, shtetasi D. H., 20 vjeç, banues në Peqin, duke punuar tokën, me mjet zetor, ka humbur kontrollin dhe mjeti është përmbysur. Për pasojë, 20-vjeçari është dëmtuar dhe ka humbur jetën në vendngjarje. Grupi hetimor vijon punën për zbardhjen e rrethanave të kësaj ngjarjeje.
