SARANDË– Një 50-vjeçar i identifikuar me inicialet E.K ka gjetur vdekjen mesditën e kësaj të marte në Sarandë pasi ra nga pallati ku punonte. Policia bën me dije se viktima ka qenë duke punuar në një abjekt në ndërtim e sipër dhe ka rënë aksidentalisht duke gjetur vdekjen në vend. Po hetohet për zbardhjen e plotë të rrethanave të ngjarjes.
NJOFTIMI I POLICISË:
Rreth orës 11:30, në lagjen nr.1, Sarandë, shtetasi E. K., rreth 50 vjeç, duke punuar në një pallat në ndërtim, dyshohet se ka rënë aksidentalisht nga lartësia dhe si pasojë e dëmtimeve të marra, ka ndërruar jetë në vendngjarje. Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.
