SHBA– Dy persona të vrarë dhe njëzet e tetë të plagosur është bilanci tragjik i të shtënave me armë zjarri në një festë në Baltimore të Shteteve të Bashkuara. Raportohet se nëntë persona u transportuan në spitalet e zonës dhe tre nga të plagosurit janë në gjendje kritike për jetën dhe ndodhen në kujdes intensiv.
Ende nuk ka asnjë informacion sa i përket autorit të dyshuar apo arsyes së aktit të rëndë por autoritetet amerikane bëjnë me dije se po hetojnë. Kryebashkiaku i Baltimores, Brandon Scott e përshkroi incidentin si një “akt të pamatur, frikacak që u ka kushtuar jetën dy njerëzve.
Brandon Scott: Ne nuk do të ndalemi derisa të të gjejmë dhe do të të gjejmë.
