SPANJË– Një 35-vjeçar shqiptar i identifikuar si Florian S ështrë arrestuar nga policia spanjolle pasi akuzohet për rrëmbimin e një të miture në Vilafranca del Penedés (Barcelona) dhe përdhunimin e saj dy herë. Ka qenë vetë 16-vjeçarja ajo që ka bërë denoncimin dhe ka treguar shtëpinë ku ai e kishte mbajtur deri në pesë orë në Sant Martí Sarroca, ngjitur me Vilafranca. E mitura ka treguar se po dilte nga një lokal dhe ishte nën shoqërinë e miqve të saj në momentin kur dhunuesi iu afrua grupit dhe arriti ta shkëpusë prej tyre.
“Mbarova, mund të ikësh tani”, i ka thënë shqiptari, shkruhet në artikullin e publikuar nhga La Vanguardia.
E mitura shkoi për të kërkuar ndihmë në një furrë buke aty pranë dhe prej andej e transferuan në spital. Po atë pasdite, rrëmbyesi dhe përdhunuesi i saj u arrestua nga Mossos. Tre ditë më vonë ai u dërgua në gjykatë, në Gjykatën Hetimore 5 të Vilafrancës, e cila urdhëroi vendosjen e tij në paraburgim pa kusht. Sipas policisë, ai kishte edhe lidhje me trafikun e drogës, ndërsa ekspertiza doli në përfundimin se e kishte përdhunuar dy herë të miturën. Ai e futi fillimisht në makinë dhe telefonoi shokun duke iu krenuar me ‘kapjen’ që kishte bërë. Herë e parë abuzoi me të në makinë, ndërsa më pas e çoi në shtëpi, ku e përdhunoi sërish.
