TIRANË– Një 32-vjeçar i identifikuar me inicialet L.D ka humbur jetën në vendin e punës pasi është goditur aksidentalisht nga një pirun. Ai ishte punonjës në qendrën tregtare “Megatek” në Tiranë. Blutë e kryeqytetit bëjnë me dije se ngjarja ka ndodhur paraditen e sotme në ambientet e jashtme të qendrës tregatare. I riu është dërguar menjëherë në spitalin e Traumës por fatkeqësisht ka ndërruar jetë. Ndërkohë policia ka shoqëruar në komisariat 61-vjeçarin e identifikuar me iniciale E. D, i cili drejtonte mjetin (pirun) që shkaktoi vdekjen e 32-vjeçarit.
NJOFTIMI I POLICISË:
Tiranë/Informacion paraprak Paraditen e sotme, në ambientet e jashtme të një qendre tregtare, dyshohet se shtetasi L. D., 32 vjeç, punonjës i kësaj qendre tregtare, është dëmtuar aksidentalisht nga një mjet pune (pirun) që drejtohej nga shtetasi E. D., 61 vjeç. Shtetasi L. D. është dërguar në Spitalin e Traumës dhe pas disa orësh ka ndërruar jetë, për shkak të plagëve të marra.Shtetasi E. D. është shoqëruar në Komisariat, për kryerjen e veprimeve procedurale
