TROPOJË– Një 22-vjeçar i identifikuar me inicialet E.P është shpallur në kërkim nga policia e Tropojës pasi ka kërcënuar me armë e më pas i ka grabitur makinën një 32-vjwçqri.
I riu më pas është karguar me shpejtëai. Në momentin qënka parë që po ndiqet nga policia ai ka braktisur mjetin dhe duke përfituar nga errësira ëahtë larguar. Policia po kreh zonë për të bërë të mundur kapjen e tij.
NJOFTIMI I POLICISË:
Kanosi me armë, për motive të dobëta, një 32-vjeçar, dhe i mori automjetin, shpallet në kërkim 22-vjeçari, në kuadër të operacionit policor të koduar “Dubrav”.
Gjatë ndjekjes nga Policia, 22-vjeçari braktisi automjetin e 32-vjeçarit dhe duke përfituar nga errësira, mundi të largohej.
Policia vijon kontrollin e zonës, për kapjen e 22-vjeçarit dhe sekuestrimin e armës së zjarrit pistoletë.
Specialistët për Hetimin e Krimeve të Komisariatit të Policisë Tropojë shpallën në kërkim, për veprat penale “Vjedhja me armë”, “Kanosja” dhe “Prodhimi dhe mbajtja pa leje e armëve luftarake dhe e municionit”, shtetasin E. P., 22 vjeç, banues në fshatin Breg Lumë, Tropojë.
