VLORË– Një 60-vjeçar ka mbetur i vdekur mesditën e kësaj të enjteje në Vlorë pasi ra aksidentalisht nga pallati ku po punonte. Pavarësisht se u dërgua menjëherë në spital ai nuk arriti ti mbijetojë plagëve të marra. Grupi hetimor i ngritur për hetimin e ngjarjes po punon për zbardhjen e plotë të saj.
NJOFTIMI I POLICISË:
Rreth orës 11:55, në lagjen “Uji i Ftohtë”, shtetasi A. P., rreth 60 vjeç, duke punuar në një pallat në ndërtim, dyshohet se ka rënë aksidentalisht nga lartësia dhe si pasojë e dëmtimeve të marra, ka humbur jetën në spital. Grupi hetimor vijon veprimet në vendin e ngjarjes, me qëllim dokumentimin e plotë ligjor të rrethanave të kësaj ngjarjeje.
