KUKËS– Një përpmasje me armë në një lokal nate në Peizren përfundoi me një të vrarl e një të plagir duke përgjakur kështu këtë fillim viti. Mësohet se tre shwiptar nga Kukësi janë përplasur me disa shqiptar të Kosovës.
Dy kuksianët e identifikuar me iniciamet V. C. 31 vjec dhe R. Sh. 27 vjeç janë plagosur nga një shqiptar i Kosovës me iniciale D.H por fatkeqësisht 31-vjeçari nuk i mbijetoi dot plagëve të marra dve ndërroi jetë rrugës për në spital.
Ngjarja ka ndodhur në dalje të Prizrenit ku pas një konflikti me disa shqiptarë të Kosovës në një lokal nate, personi me iniciale D. H ka qëlluar me armë drejt mjetit të shqiptarëve.
NJOFTIMI I POLICISË:
Kukës/Informacion paraprak. Në Morinë, rreth orës 04:25, të mëngjesit, kanë hyrë për në drejtim të spitalit rajonal të Kukësit, shtetasit V. C., 31 vjec, dhe R. Sh., 27 vjeç, që transportoheshin me automjet nga shtetasi A . B., të tre nga Kukësi, ku shtetasit V. C., dhe R. SH , ishin të plagosur me armë zjarri në Prizren të Kosovës. Si pasojë e plagëve të marra shtetasi V. C., ka ndërruar jetë gjatë rrugës, ndërsa shtetasi R. Sh., ndodhet në spital nën kujdesin e mjekëve. Në lidhjen me ngjarjen, menjëherë nga DVP Kukës është ngritur grupi hetimor i cili po kryen veprimet procedurale për llogari të Policisë së Kosovës. Nga deklarimet e para të shtetasit të plagosur dhe shtetasit A. B., që i ka transportuar për në spital, dyshohet se ngjarja ka ndodhur në dalje të Prizrenit, ku pas një konflikti në një lokal nate me disa shtetas kosovar. Në momentin që shtetasit V.C., R.Sh dhe A.B, po largoheshin me automjet, dyshohet se shtetasi D. H, ka qëlluar me armë zjarri në drejtim të automjetit të tyre. Në lidhje me ngjarjen është komunikuar me Policinë kosovare dhe vijon shkëmbimi i informacionit. Grupi hetimor vijon veprimet procedurale për llogari të Policisë së Kosovës, për zbardhjen e plotë të rrethanave të ngjarjes.
