TIRANË– Plagosje me thikë në Tiranë. Raportohet se ngjarja ka ndodhur në rrugët “Shefqet Musaraj” ku pas një sherri për motive të dobëta një 17-vjeçar ka plagosur me thikë një 20-vjeçar të identifkuar me inicialet A.B. Ky i fundit ndodhet në spital nën kujdesin e mjekëve. Autori është vënë në pranga ndërsa në cilësinë e provës materiale është sekuestruar thika e përdorur në krim.
NJOFTIMI I POLICISË:
Goditi me mjet prerës një shtetas, vihet në pranga autori i dyshuar. Sekuestrohet mjeti prerës (thika) e përdorur nga autori gjatë krimit. Specialistët për Hetimin e Krimeve të Komisariatit të Policisë Nr. 2 arrestuan një të mitur 17-vjeçar, banues në Tiranë. 17-vjeçari ditën e sotme, rreth orës 14:30, në rrugën “Shefqet Musaraj”, për motive të dobëta është konfliktuar dhe dyshohet ka goditur me mjet prerës shtetasin A. B., 20 vjeç, banues në Tiranë. Si pasojë shtetasi A. B., është dëmtuar dhe ndodhet në spital, nën kujdesin e mjekëve. Materialet i kaluan Prokurorisë, për veprime të mëtejshme procedurale.
