SHBA- Një ngjarje e rëndë është regjistruar në qytetin Staten Island- NYC në SHBA, ku një një shtetas shqiptar ka aksidentuar për vdekje një vajzë të moshës 23-vjeçare e identifikuar si Adriana Sylmetaj nga Kosova. Lajmi është bërë me dije nga gazetari shqiptar Beqir Sina në SHBA, i cili në një postim në rrjetin social Facebook shkruan se shoferi që drejtonte automjetin ka qenë në gjendje të dehur.
Policia mësohet se në raportin e saj paraprak ka treguar se e reja vdiq pasi automjeti u nda më dysh dhe si pasojë kjo i shkaktoi plagë vdekjeprurëse 23-vjeçares. Ndërkohë që shkaku i aksidentit mendohet se është humbja e kontrollit të automjetit si pasojë e gjendjes së alkoolizuar të shqiptarit, ndërkohë bëhet me dije se këtë të fundit autoritetet në SHBA e kanë vënë menjëherë në pranga.
