BRITANI– Një 24-vjeçare identiteti i të cilës nuk është bërë i ditur, anëtare e ekuipazhit të një prej avionëve të flotës së kompanisë “Air Albania”, besohet se ka ndërruar jetë pasi filloi të ndihej keq gjatë një fluturimi për në aeroportin Stansted. Lajmin e kanë bërë të ditur mediat britanike, të cilat shkruajnë se kjo është konfirmuar nga shërbimi i Ambulancës Lindore të Anglisë, të cilët pretenduan se gruaja u sëmur rëndë në bordin e shërbimit nga Tirana.
Avioni u ul në pistë rreth orës 13:00 të së mërkurës më 21 dhjetor siç ishte planifikuar. Edhe pse shërbimi i ambulancës e dërgoi të renë me urgjencë në spitalin Princess Alexandra në Harloë, mësohet se ajo nuk ka shpëtuar.
“Ne mbështetëm kolegët tanë në Manchester Airports Group dhe shërbimin e ambulancës në Aeroportin Stansted pasi u thirrëm për një shqetësim”, tha një zëdhënës i policisë.
Media britanike ka kontaktuar dhe me kompaninë ajrore “Air Albania” por ende nuk ka marrë një përgjigje.
