TIRANË– Katër persona janë vënë nën hetim nga policia e Tiranës pasi akuzohen për dhunë ndaj një 34-vjeçari. Raportohet se 57-vjeçari i identifikuar me inicialet S.Sh së bashku me dy djemtë e tij kanë dhunuar për motive të dobëta 34-vjeçarin dhe më pas i kanë dëmtuar makinën. Në hetim është vënë dhe 34-vjeçari i identifikuar me inicialet E.H.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 kanë referuar materialet në Prokurori dhe nisi procedimi penal në gjendje të lirë për shtetasit E. H., 34 vjeç, S. Sh., 57 vjeç dhe për dy djemtë e mitur të shtetasit S. Sh., të katërt banues në Tiranë. Shtetasi E. H. është konfliktuar për motive të dobëta, me shtetasin S. Sh. dhe me dy djemtë e tij, të cilët gjatë konfliktit kanë goditur 34-vjeçarin dhe i kanë dëmtuar automjetin atij. Materialet i kaluan Prokurorisë, për veprime të mëtejshme procedurale.
