DIBËR– Një ngjarje e rëndë është regjistruar në Dibër mbrëmjen e kësaj të marte. Raportohet se një 15-vjeçar ka qëlluar aksidentalisht nënën e tij me kallashnikov. Ngjarja ka ndodhur në fshatin Selishtë, rreth orës 17:00. Blutë e Dibrës bëjnë me dije e ngjarja ka ndodhur në banesën e familjes, gjatë kohës që i mitur kishte në dorë kallashnikovin. 46-vjeçarja e identifikuar me inicialet Sh.L është dërguar menjëherë në spital ku ndodhet jashtë rrezikut për jetrën. Ndërkohë i mituri është shoqëruar në polici. Grupi hetimor i ngritur për hetimin e plotë të ngjarjes në cilësinë e provës materiale ka sekuestruar armën e zjarrit tip Kallashnikov.
NJOFTIMI I POLICSË:
Plagosi aksidentalisht me armë zjarri nënën e tij, Policia shoqëron në Komisariat të miturin, autori i dyshuar i ngjarjes. Sekuestrohet arma e zjarrit kallashnikov. Rreth orës 17:00, në fshatin Selishtë, Dibër një shtetas i mitur 15-vjeç, dyshohet se aksidentalisht në banesë ka plagosur me armë zjarri, nënën e tij shtetasen Sh.L., rreth 46 vjeçe e cila po merr ndihmë mjekësore në spital dhe ndodhet jashtë rrezikut për jetën. Shërbimet e Policisë, kanë shkuar menjëherë në vendin e ngjarjes dhe kanë shoqëruar në Komisariat të miturin. Gjithashtu shërbimet e Policisë kanë sekuestruar armën e zjarrit tip kallashnikov. Grupi hetimor nën drejtimin e Prokurorisë vijon veprimet për dokumentimin e plotë të rrethanave të ngjarjes.
