LUSHNJE– Një 62-vjeçar i identifikuar me inicialet J.Xh ka humbur jetën pasditën e kësaj të enjeteje në Lushnje pasi u zu poshtë nga zetori. Përmes një njoftimi për mediat Policia bën me dije se viktima ka qenë duke punuar tokën me zetor në momentin që është zënë poshtë prej tij.
NJOFTIMI I POLICISË:
Mbrëmjen e djeshme, në fshatin Hysgjokaj, Lushnjë, shtetasi J. Xh., 62 vjeç, duke punuar tokën me mjet bujqësor (zetor), është rrëzuar aksidentalisht, dhe e ka zënë poshtë mjeti bujqësor (zetor). Për pasojë 62-vjeçari ka humbur jetën. Materialet procedurale i kaluan Prokurorisë për vlerësim.
