TIRANË– Starton sonte edicioni i dytë i “Big Brother Vip Albania”. Si gjithmonë patenta i është besuar moderatores Arbana Osmani dhe regjisorit Eduart Grishaj. Si rezultat i suksesit të edicionit të parë, pritshmëritë për këtë edicion të 2 janë shumë të larta. Ka qënë regjisori Grishaj ai i cili ka ndarë disa detajë me publikun këtë herë
I pyetur nëse edhe këtë vit, spektakli do të zgjasë më shumë sesa 100 ditë, Eduarti e la të hapur mundësinë që mund të ndodhë përsëri.
“Nëse po thoni për vitin e kaluar, këtë vit kanë jashtëzakonisht akoma dhe më shumë motiv sesa vjet për t’u rikthyer të gjithë tek Big Brother sepse do të ketë emra të jashtëzakonshëm nga shumë fusha. Unë personalisht mendoj që emrat janë akoma më të mirë sesa ishin vitin e kaluar.
Nesër do të fillojë spektakëli, banorët kanë dy ditë që janë të mbyllur në hotele, në dhoma të ndryshme dhe nuk dinë asgjë për njëri-tjetrin. Do të ketë personazhe shumë të mirë, kanë dalë disa emra por që me emrat e tjerë kanë mbetur surprizë. Do të jenë 14 banorë ato të cilët do të futen ne BBVA.
‘Big Brother’-i këtë vit do të zgjasë mbase si vitin e kaluar, por do shikohet. Një gjë tjetër e veçantë është se do të jetë një rubrikë që do ketë banorë të cilët nuk do të rrinë të gjithë në një shtëpi por do të ketë edhe ambiente të tjera brenda shtëpisë që do të ndahen”, ka thënë ai ndër të tjera.
