Fredi Beleri, pavarësisht se është i arrestuar për shitblerje votash, kjo nuk e pengon atë të jetë kandidat, dhe fleta e votimit vijon të ketë emrin e tij përballë Jorgo Goros.
Kjo ndodh sepse ligji nuk e pengon një të arrestuar ende të padënuar të jetë kandidat për cdo lloj posti.
Ligjërisht, të dielën Beleri mund të mbledhë vota, e nëse është shumicë, ai edhe mund të shpallet fitues nga Komisioni Qendror i Zgjedhjeve.
Por pas të dielës, nëse ja del të jetë fitues, marrja e mandatit nga Beleri vihet në diskutim.
Dy elementë mund ta rrezikojnë atë.
Së pari, kryeministri Edi Rama.
Ligji e lejon qeverinë të shkarkojë kryetarët e Bashkive, kur kapen në shkelje të rënda. Dhe Rama e ka bërë këtë me të vetët, pa asnjë përjashtim. Nga Shukri Xhelili te Fatos Tusha apo Lefter Alla, pa kursyer asnjë që drejtësia e ka vënë pas hekurave. Së dyti, Beleri mund ta humbasë mandatin e kryebashkiakut, nëse dënohet me vendim të formës së prerë. Megjithatë ngelet për tu parë nësë do të vijoj të jetë i arrestuar deri të dielën apo do të lirohet.
