TIRANË– Kryeministri Edi Rama ka reaguar për herë të parë pas daljes së tij nga spitali ku iu nënshtrua një ndërhyrjeje kirurgjikale për heqjen e apandesit. Përmes një postimi në Facebook Rama shkruan se është mirë dhe po merr trajtimin e nevojshëm mjekësor në shtëpi. Kreu i qeverisë falenderon këdo që është interesuar për gjendjen e tij dhe konfirmon se pas rikuperimit, shumë shpejt do ti kthehet aktiviteteve elektorale kur jemi në nisjen e fushatës për zgjedhjet vendore të 14 majit.
POSTIMI:
Një falenderim nga zemra kujtdo prej jush që këto ditë është interesuar për shëndetin tim.Falë ekipit të përkushtuar mjekësor dhe pas ndërhyrjes së suksesshme, sot e lashë spitalin për të vazhduar protokollin e rikuperimit në shtëpi dhe pa mundur të gjej dot fjalët e mjaftueshme për t’i falenderuar mjekët e infermierët për përkujdesjen e tyre. Besoj se do të kthehem shpejt mes jush dhe edhe njëherë shumë faleminderit për mbështetjen tuaj. Ju dua shumë, Edi.
