TIRANË– Detaje të reja kanë dalë në dritë nga gjendja shëndetësore e efektivit të Policisë Rrugore ToninTosku që mbeti i plagosur rëndë në aksin Maqellarë – Peshkopi, për shkak të shpërthimit të një gome kamioni. Ai mori dëmtime të mëdha në të dy këmbët dhe u nis me helikopter drejt Tiranës. Raportohet se gjendja e tij shëndetësore nuk paraqitet e qëndrueshme por ende nuk ka një përditësim nga spitali për gjendjen e tij në këto momente.
Gjendjen e rëndë të Tonin Toskut e ka konfirmuar dhe mjeku që e ka trajtuar, i cili shton se polici ka pasur fraktura të hapura me hemorragji.
“I sëmuri ka ardhur në gjendje të rëndë. Ka pasur hemorragji në të dy këmbët. Ka pasur fraktura të hapura me hemorragji me ekspozim të kockave dhe i sëmuri erdhi direkt në reanimacion. U mjekuan plagët dhe u nis për Tiranë. Ka qenë një goditje nga shpërthimi i gomës. Ka qenë një forcë e madhe për të bërë ato dëmtime”, tha mjeku, Erjol Braholli.
