TIRANË– Një rast dhune midis disa adoleshenteve ku 4 vajza nxënëse të shkollës 9-vjeçare “Kongresi i Manastirit” dhunuan një bashkëmoshatare të tyren, u denoncua këtë të premte nga NewsZone.al pranë Shërbimit Social Shtetëror dhe Agjencisë për Mbrojtjen e Fëmijëve.
Gazetari Gjergj Prenga raporton nga Komisariati Nr.6 se vajzat që kryen aktin e dhunës ndaj shoqes tyre janë shoqëruar dhe janë marrë në pyetje në prani të prindërve dhe punonjësve social, ku e kanë pranuar fajin, duke u justifikuar si një konflikt i momentit.
Sipas informacioneve të policisë, vajzat e mitura janë lënë të lira pas marrjes në pyetje, ku ditët në vijim pritet që t’iu komunikohen masat që do të merren ndaj tyre.
