TIRANË– Moderatori i njohur dhe i dashur për publikun Alban Musa rikthehet në Top Channel. Këtë e konfirmoi vetë Musa për Newszone.al pas zërave që qarkulluan në koridoret e mediave për levizjen e bujshme. Kështu nga shtatori Alban Musa nuk do jetë më në ekranin e Abc News por do të qëndrojë tek formatet e paraditës pasi tashmë i është besuar drejtimi i emisionit “Në shtëpinë tonë” në Top Channel.
Një format që u ndërpre për një periudhë kohë por që me sa duket do të rikthet sërish tashmë me fytyrë të re. Por Musa nuk do të jetë vetëm moderator por dhe si autor i programit. Ai prej shumë vitesh tashmë ia ka dalë që të jetë ndër të preferuarit e shqiptarëve si një nga moderatorët më të dashur që i ka shoqëruar ata në mëngjeset dhe drekat familjare. I urojmë shumë suksese Albanit.
