KURBIN– Detaje të reja janë zbardhur në lidhje me eksplozivin e vendosur në ish-magazinat e grumbullimit në Mamurras. Raportohet se lënda plasëse artizanale (bidon amonit malor i përzier me naftë) është zbuluar nga roja e një kantine vere. Po ashtu roja ka konstatuar dhe një kapsollë detonatorë me një fitil të pandezur.
Ende nuk dihen rrethanat e ngjarjes. Ndërkohë Policia e Kurbinit ka mbërritur në vendin e ngjarjes ku dhe po grumbullohen provat. Kantina e verës është në pronësi të biznesmenit nga Laçi Spahi Jahja. Blutë e Kurbinit ende nuk kanë dalë me njoftim zyrtar në lidhje me ngjarjen.
