Dalin në dritë të tjera detaje nga vrasja e 38-vjeçarit Fation Dervishi, i cili u ekzekutua mesnatën e djeshme në fshatin Katund të Sukthit te shinat e trenit.
Mësohet se viktima që është ekzekutuar me kallashnikov është nipi i një personi të njohur në zonë si “Arapi” i Sukthit.
Viktima është banor i zonës Katund Sukth dhe nuk është person me precedent të mëparshëm penal. Kur është qëlluar me armë nga atentatorët, Fatjon Dervishi ishte duke drejtuar makinën dhe bashkë me të në mjet ka qenë edhe një shoku i tij, i cili nuk është prekur nga plumbat.
Ai ka qenë në lokal me një shok dhe duke u kthyer në shtëpi me makinë, ata janë qëlluar. Dervishi u plagos rëndë në vendin e ngjarjes, kurse shoku i tij nuk u prej nga plumbat.
I afërmi i viktimës i njohur si “Arapi” rezulton me precedentë kriminal në trafikun e lëndëve narkotike dhe i skeduar për vrasje; në vitin 1991 është akuzuar për vrasjen e A. Çyrbjes.
Sipas dëshmisë së këtij të fundit rezulton se ata kishin qenë në një lokal dhe po ktheheshin për në shtëpi kur janë goditur. Ja çfarë deklaroi në polici i afërmi i viktimës:
“Ishim në një lokal dhe po ktheheshim në shtëpi kur na qëlluan”
Ndërkohë mbi 10 persona janë shoqëruar në komisariat teksa hetimetvijojnë për zbardhjen e ngjarjes.
