GREQI– Vrasja e Kreshnik Çerçizajt dhe Armando Ogranjas dy ditë më parë kanë ngritur shumë pikpyetje që drejtësia greke ende nuk i ka dhënë dot përgjigje. Mediat greke shkruajnë se vrasja e tyre ka lidhje me ekzekutimin e biznesmenit Edmond Papa tre ditë më parë dhe se vrasësi i shqiptarëve në Greqi është shqiptar dhe shtojnë se po i njljti ekzekutoi dhe Papëm në Tiranë.
Të gjitha këto dyshime i bashkon një pikë e pëtbashkët shkruajnë mediat greke, ajo është sasia e 700 kg drogë, e cila ka humbur. Ndërkohë në 24 orët e fundit një tjetër shqiptar me emrin Leonardo është “zhdukur” pa lënë asnjë gjurmë. Mediat shkruajnë se ai është rrëmbyer dhe ekzekutuar dhe shtojnë se ishte i njohur i Çerçizajt dhe Ogrenjas.
Po ashtu shkruajnë se pritet të ketë të tjera ekzekutime në lidhje me ngjarjet që duket që pasojnë njëra-tjetren. Ndërkohë Policia greke nuk ka konfirmuar asgjë por as mohuar. Duket se misteri i kësaj ngjarje nuk është i lehtë të zgjidhet dhe lëmshi sa vjen e shtohet me detaje të reja që dalin në dritë.
Dy shqiptarët Kreshnik Çerpizaj dhe Armando Ogrenja u ekzekutuan dy ditë më parë në një lokal në një nga zonat më të frekuentuara të Athinës. Autori u afrua i qetë në tavolinën e tyre dhe qëlloi 7 herë drejt tyre. 6 plumba preken në kokë e kraharor Çerçizajn, i cili humbi jetën në vend ndërsa një plumb preku në bark Ogrenjan, i cili ndërroi jetë pak minuta pasi u dërgua në spital. Ndërsa Edmond Papa u ekzekutua tre ditë më parë në një lokal në zonën e Selitës në Tiranë./Edon Kuqi
