LEZHË– Detaje të reja janë zbardhur në lidhje me ekzekutimin e Nikolin Lestakajt një ditë më parë në Balldre të Lezhës. Raportohet se ai është qëlluar me 5 plumba, katër prej të cilëve e kanë prekur në trup. Njëri prej tyre, i cili ka qenë dhe më fatali e ka prekur në zemër. Policia ka sekuestruar dy predha, njërin në trupin e viktimës tjetrin në shtyllë.
Ngjarja e rëndë është regjistruar një ditë më parë në orën 18:30 në një market në zonën e fshatin Balldre në Lezhë. Nikolin Marku Lestakaj kishte marrë makinën e të vëllait për të blerë një pije freskuese në market kur pasi doli prej aty u përball me një breshëri plumbash të lëshuar drejt tij, të cilët i shkaktuan vdekjen e menjëhershme. Ai kishte pak kohë që ishte kthyer nga Britania e Madhe ku jetonte prej vitesh. Me kthimin nga athe ai bënte lëvizje të kufizuara. Deri më tani Policia e Lezhës dyshon se kemi të bëjmë me një hakmarrje të fisit Nikulaj. Ngjarja u regjistrua tre muaj pasi u vra Ardian Nikulaj në Lezhë. Hasmëria mes dy fiseve vijon prej shumë vitesh ku shumë burra janë vrarë.
