TIRANË– Gjykata e Posaçme Kundër Korrupsionit dhe Krimit të Organizuar ka dënuar me 32 vite burg në total vrasësit e ish-policit, i cili njihej dhe si krahu i djathtë i Ervis Martinajt, Santiago Malko. Në vendim e marrë këtë të mërkurë GJKKO ka dënuar me 25 vite burg Ilir Selmanin dhe me 7 vjet burgim Elvis Gaçajn.
Santiago Malko, krahu i djathtë i Ervis Martinajt u ekzekutua me breshëri plumbash në gusht të vitit 2019 në rrugën “Xhamfize Keko” në Tiranë. Si porositës të vrasjes së ish-policit Prokuroria ka bërë përgjegjës “Klanin Duka”. Më herët GJKKO ka dënuar në mungesë: Leonard Duka, Erlis Duka, Oltian Loga, Aleksandër Maxhaku, Fatmir Hyseni (Musai), Dritan Agaj pasi akuzohen si “Grup i strukturuar kriminal”. Pak javë më parë u arrestua në Belgjikë Leonard Duka, i cili njihet dhe si “koka” e klanit.
