LEZHË– Detaje të reja janë zbardhur nga vrasja e biznesmenit Ardian Nikulaj në Shëngjin disa ditë më parë. Raportohet se ka misur verifikimi për një shtetas anglez, i cili ka qenë duke pirë kafen në lokal.
Ai është larguar nga vendi menjëherë pas ekzekutimit të Nikulajt në restorantin e tij në pedonalen e Shëngjinit. Pas verifikimeve në sistemin TIMS, ky person rezulton të ketë hyrë në Shqipëri me 14-prill dhe është larguar mbrëmjen 19-prillit disa orë pas ngjarjes.
Raportohet se ai ka qendruar në njl hotel në vijën e parë të plazhit vetëm 1 km larg vendit ku Ardian Nikulaj u ekzekutua me shtatë plumba në trup e kokë që i shkaktuan vdekjen e menjëhershme.
Mësohet se hetuesit e grupit hetimor të ngritur për zbardhjen e ngjarjes po analizojnë me kujdes kamerat e sigurisë për të verifikuar nëse është parë duke lëvizur edhe ditë të tjera para ngjarjes pranë restorantit të viktimës ku dhe ndodhi ngjarja e rëndë që tronditi Lezhën mesditën e 19 prillit.
