TIRANË– Gjykata e Apelit e Juridiksionit të Përgjithshëm ka lënë në fuqi vendimin e Shkallës së Parë për burgim të përjetshëm ndaj Përparim Ademit, 59-vjeçarin që vrau 2 motrat Zhaneta Metani dhe Kristina Bardhi në Astir. Ademi kishte apeluar vendimin e Gjykatës së Shkallës së Parë dhe kërkoi kthimin e çështjes për rigjykim.
Ngjarja e rëndë është regjistruar më 31 Dhjetor 2020 në zonën e Astirit në kryeqytet. Përparim Ademi shkoi i armatosur me kallashnikov, të cilin e kishte fshehur në një çantë. Në hyrje të pallatit, ai ka lënë biçikletën e tij. Kur ka mbërritur përpara derës së banesës ku jetonin Zhaneta Metani dhe Kristina Bardhi, Përparim Ademi është përballur me dy motrat, të cilat më opas i ka ekzekutuar me breshërinë e kallshnikovit. Pas ngjarjes është larguar nga banesa dhe u prangos më pas nga polica.
