KAVAJË– Vetëdorëzohet në Polici Habib Rexha. Policia ka negociuar me familjarët për të bërë të mundur dorëzoimin e tij. Habib Rexha ekzekutoi me plumb në ballë dy ditë më parë Arjan Gosen në Kavajë teksa ky i fundit ishte duke pirë kafen në një lokal të qyetit nën shoqërinë e babait të moshuar, i cili pa gjithë skenën. Mësohet se Rexha qëndronte i fshehur në Kukës. Në momentin e arrestimit ai ka pasur me vete dhe armën e krimit.
Ngjarja e ndodhur dy ditë më parë vjen si pasojë e një ngjarje të rëndë të regjistruar pak muaj më parë në Kavajë ku të vrarë mbetën vëllai i viktimës Arjan Gosa dhe i autorit Habib Rexha. Altin Rexha dhe Edmond Gosa vranë njëri-tjetrin me thikë dhe armë më 29 mars 2023 pas një konflikti banal që kishte nisur për shkak të origjinës. Kur kishin lënë për tu sqaruar debati mes tyre agravoi dhe njëri qëlloi me thikë dhe tjetri iu kundërpërgj me armë duke gjetur të dy vdekjen. Ngjarja e rëndë ndodhi para syve të fëmijës së mitur të Altin Rexhës, që dyshohet që të jetë dhe shkaku se pse familja ka kërkuar hakmarrje duke vrarë dy ditë më parë Arjan Gosen teksa ky i fundiut ishte në tavolinë me babanë e moshuar.
