TIRANË– Gjykata e Shkallës së Parë në Elbasan ka dënuar me burgim të përjetshëm këtë të enjte ish-efektivin e Policisë së Elbasanit Koço Buzo, i cili më 6 maj të vitit 2021 ekzekutoi për vdekje gruan e tij Liljana Buzon para Gjykatës.
Ngjarja e rëndë tronditi mbarë opininon publik. Liljana Buzo teksa dilte nga seanca gjyqësore të zhvilluar për ndarjen nga bashkëshorti, ky i fundit e priste jashtë derës së Gjykatës ku dhe e qëlloi disa herë me kallashnikov duke e lënë të vdekur në vend në mes të rrugës. Si pasojë e të shtënave mbetën të plagosur dhe dy persona, avokati dhe një kalimtar i rastit.
NJOFTIMI:
Prokuroria pranë Gjykatës së Shkallës së Parë Elbasan në datë 27.04.2023 ka paraqitur diskutimin përfundimtar në Gjykatën e Shkallës së Parë Elbasan në gjykimin penal ndaj të pandehurit K.B të akuzuar për veprën penale “Vrasje për shkak të marrëdhënieve familjare” parashikuar nga neni 79/c i K.Penal, duke kërkuar përfundimisht dënimin e tij me burgim të përjetshëm. Ky gjykim ka të bëjë me ngjarjen e ndodhur në datë 06/05/2021 pranë Gjykatës së Shkallës së Parë Elbasan, ku i pandehuri Koco buzo ka vrarë me armë zjarri automatik bashkëshorten e tij L.B. Gjykata e Shkallës së Parë Elbasan po në datë 27.04.2023 ka vendosur “Deklarimin fajtor” të shtetasit K.B. dhe dënimin e tij me burgim të përjetshëm.
