ELBASAN- Në orët e para të mëngjesit të kësaj të premte, është djegur në lagjen ‘5 Maji’ në Elbasan një automjet, ku bëhet me dije se është në pronësi të Dritan Turanit. Makina ka qenë e parkuar poshtë pallatit, ku si pasojë e flakëve, janë dëmtuar edhe 2 mjete të tjera, të parkuara aty pranë. Ndërkohë akoma nuk dihet nëse ngjarja është aksidentale apo e qëllimshme.
NJOFTIMI I POLICISË:
Më datë 24.02.3023, rreth orës 03:00, në lagjen “5 Maji”, ka rënë zjarr dhe është djegur automjeti tip “Benz”, në pronësi të shtetasit D. T., banues në Elbasan, i cili ka qenë i parkuar në parkimin e pallatit. Si pasojë e flakëve të zjarrit, janë dëmtuar lehte edhe 2 mjete të tjera, të parkuara aty pranë. Grupit hetimor po punon për zbardhjen e rrethanave të ngjarjes dhe përcaktimin e shkaqeve të zjarrit.
