Në qytetin e Elbasanit nxënësit e komunitetit rom do të kenë mundësi të mësojnë gjuhën e tyre amtare në shkollë.
Kjo gjuhë është futur në dy shkolla 9-vjeçare ku ka shumicë të komunitetit rom, në shkollën “Abdyl Paralloi” dhe “Hamit Mullisi”.
Janë rreth 250 nxënës, të cilët do të shkruajnë gjuhën e tyre amtare.
Mësuesi i gjuhës rome, Raxh Rakipi thotë se nxënësit dhe familjet e tyre e kanë pritur shumë mirë këtë nismë të zyrës arsimore vendore të qytetit të Elbasanit.
Ai shton se mësimi i gjuhës është parashikuar të nisë në klasën e tretë, pasi në dy klasat e para, fëmijët e komunitetit rom duhet të mësojnë gjuhën shqipe. Ja si shprehet Rakipi:
“Prindërit romë u ndjen shumë të kënaqur dhe mirëpriten këtë nismë të zyrës arsimore të Elbasanit, sepse është gjë e mirë që fëmijët të mësojnë dhe shkruajnë gjuhën e nënës. Një gjuhë e cila nuk duhet të zbehet dhe të humbas. Vetëm nëse kjo gjuhë do të shkruhet dhe lexohet, atëherë ka mundësie që t’i rezistojë kohës. Gjuha rome është menduar të filloj nga klasat e treta deri te klasat e nënta për shkak e fëmijët të mësohen fillimisht me gjuhën shqipe në klasat e parë duke qenë se në familjet tyre ata flasin vetëm gjuhën rome lind nevoja që ta të shkruajnë dhe lexojnë gjuhën rome në klasat e treta. Janë 250 fëmijë, të cilët do shkruajnë dhe mësojnë gjuhën e tyre”.
