Deputetja Elda Hoti, gjatë fjalës së saj në ‘Komisionin për Sterilizimin’ i cili po zhvillohet ditën e sotme, u shpreh se kolegët e mazhorancës duket qartë se me çfarë misioni janë bërë pjesë e kësaj mbledhjeje, për të mbrojtur hajdutët dhe prej një viti janë përpjekur me pretendime absurde e me shkelje të Kushtetutës duke mos lejuar të mos bëhet ky hetim paralamentar.
‘Le të vijë këtu Rama siç shkonte në çdo studio televizive që i nxirrte gërshërët e ndryshkura, le të vijë ta tregojë reformën e tij në drejtësi që të të vërtetë nuk ishte falas sepse shqiptarët po e paguajnë dyfish’- u shpreh Hoti
Elda Hoti:
‘Duket qartë misioni që ju keni këtu, ata ju kanë sjellë në këtë Komision për të mbrojtur hajdutët por ndryshe nga ju ne jemi këtu për të mbrojtur interesat e qytetarëve shqiptar, dhe jo për të mbrojtur hajdutët e kësaj mazhorance.
Në fakt bravo për guximin që keni sepse ka që ditën e djeshme po përpiqeni ta bllokoni këtë komision dhe prej një viti jeni përpjekur me pretendime absurde, me shkelje të Kushtetutës e vazhdoni këtu me pretendime duke mos lejuar të mos bëhet ky hetim paralamentar.
120 milion euro Vilma Nushi, si nuk paska detyrim të vijë në këtë Komision për të dëshmuar?
Si ka mundësi nuk duhet thirrur Rama që ka firmosur për dhënien e këtij koncesioni, madje ka shkuar vetë për të para një nga centralet e këtij sterilizimi.
Le të vijë këtu Rama siç shkonte në çdo studio televizive që ai i nxirrte gërshërët të ndryshkura, le të vijë ta tregojë reformën e tij në drejtësi që të të vërtetë nuk ishte falas sepse shqiptarët po e paguajnë dyfish’.
