Ju kujtohet Eldisi, një vogëlush i talentuar që në 2016 u ngjit në skenën e “Gjeniu i Vogël 7”?
“Një shkodran, tana i ban”, dhe si duket me këtë shprehje Shkodra nuk ka gabuar. Eldis Arrnjeti është një ndër artistat e rinj që ka dalë nga kjo krahinë, që faktikisht ka nxjerrë shumë artista të mëdhenj. Eldisi ka lajmëruar prej disa kohësh në rrjetet sociale projektin e tij më të ri muzikor “Kthehu”, ku ka publikuar dhe një pjesë nga refreni që thotë “Kthehu për të fundit herë”, më tej ai në postimin e tij në instagram shkruan “sepse të gjithë e meritojnë një shanc të dytë”.
Kush është vallë personi që Eldisi kërkon t’i japë një shanc të dytë?
View this post on Instagram
Eldis Arrnjeti është një ndër “rocker-ët” më të rinj në industrinë muzikore në Shqipëri. Që në fëmijëri e tij ai ka marrë pjesë në aktivitete të ndryshme nga ku është vlerësuar edhe me çmime në festivale lokale në Shkodër. Pjesëmarrës në shumë spektakle, nga ku është vlerësuar me çmimin e dytë si new artist në “Këngë moj”, ky një produksion i TRING. Pjesëmarrës në Festivalin e 60-të në RTSH ku vlerësohet me çmimin e tretë. Në vitin 2022 ai mori pjesë në kompeticionin “Kënga Magjike” në RTV Klan, ku brenda dy viteve ka konkurruar në të dy kategoritë, New & Big Artist.
Rocker-i shkodran duket se është shumë aktiv në live të ndryshëm ku luhet muzika rock në Shqipëri dhe jashtë vendit, madje Eldisi ka treguar që jo vetëm ka një zë që të mahnit, por edhe përkujdeset për imazhin e tij që të jetë sa më në formë, dhe mund të themi padyshim që është një ndër personazhet e muzikës shqiptare, që është mjaft “photogenic”.
