Në nisje të koncertit recital “Finalmente Elsa”, artistja e njohur Elsa Lila ka falenderuar bashkëpunëtorët që kanë bërë të mundur realizimin e këtij projekti.
Ajo falenderoi veçanërisht Bashkinë e Tiranës dhe kryebashkiakun Erion Veliaj për kontributin e jashtëzakonshëm në këtë projekt.
Elsa Lila vlerësoi më tej edhe kontributin e kryebashkiakut Veliaj në jetën artistike në kryeqytet.
Pas deklaratës së artistes, e gjithë salla ka shpërthyer në duartrokitje.
“Finalmente Elsa”, është koncerti i parë recital, që Elsa Lila, realizon në Tiranë, pikërisht aty ku nisi jeta e saj e suksesshme artistike, në skenën e Pallatit të Kongreseve.
/ Newszone
