Komisioni Qendror i Zgjedhjeve ka hapur kutitë me votat e ardhura nga Greqia, pjesë e votimit të diasporës shqiptare për zgjedhjet e 11 majit. Procesi po monitorohet nga përfaqësuesi i Partisë Demokratike, Agron Gjekmarkaj, pasi rreth 50 mijë vota nga Greqia u kontestuan nga PD dhe u veçuan nga pjesa tjetër.
Ndërkohë, numërimi i votave të emigrantëve nga vendet e tjera tashmë ka përfunduar.
Në total, 246 mijë shqiptarë të regjistruar jashtë vendit u regjistruan për të votuar online, por vetëm 194 mijë dërguan fizikisht zarfet me votën e tyre në KQZ. Rreth 20 mijë zarfe nuk mbërritën kurrë, ndërsa pjesa tjetër nuk i kthyen fare dokumentet.
Numërimi i votave nga Greqia pritet të ketë ndikim të ndjeshëm, për shkak të përqendrimit të madh të emigrantëve shqiptarë në këtë shtet.
