TIRANË– MIjëra emigrantë shqiptarë të kthyer për festat e fundvitit në atdhe po kthehen drejt vendeve të Bashkimit europian ku jetojnë e punojnë. Në portin e Durrësit raportohet për fluks tejet të lartë të emigrantëve që zgjedhin të ikin në rrugë detare në Itali me linjën Durrës-Bari dhe Durrës-Ankona. Kështu dy ditët e fundit janë larguar nga vendi përmes kësaj pike të kalimit kufitar 3 300 persona.
Sipas të dhënave nga porti detar i Durrësit, numri i personave të regjistruar në dalje është më i lartë se ai në hyrje dhe gjatë tri ditëve në vazhdim do të dyfishohet numri i lundrimeve për të përballuar fluksin e atyre që largohen nga vendi.
