KAPSHTICË– Pas festimit të Pashkëve emigrantët shqiptarë të kthyer në vendlindje kanë nisur të kthehen në vendet ku jetojnë e punojnë. Kështu kjo e hënë ka regjistruar një fluks të lartë mjetetsh dhe pasagjerësh që po largohen nga vendi ynë drejt Greqisë. Pala shqiptare po punon me 5 sportele në dalje dhe 3 sportele janë të hapura në hyrje.
Autoritetet doganore bëjnë me dije se edhe pala greke po punon me numër maksimal sportelesh çfarë ka sjellë lëvizjen e shpejtë dhe pa vonesa të mjeteve në të dyja anët e kufirit. Për personat e dyshuar policia greke kryen edhe procedurën e verifikimit të shenjave të gishtave.
