TIRANË– Dyzet qytetarë shqiptarë të cilët kishin emigruar ilegalisht drejt Britanisë së Madhe janë deportuar ditën e sotme drejt Shqipërisë. Charteri me 40 të deportuar nga Britania ka mbërritur në aeroportin e Rinasit në orën 11:30. Pas intervistave dhe procedurave ligjore në komisariatin e Policisë Kufitare të Rinasit 40 shqiptarët e deportuar janë pritur nga familjarët e tyre.
Raportohet se shumica e të deportuarëve janë persona që kanë punuar në të zezë në Britani, si në ndërtim por ka edhe nga ata që janë të dënuar për vepra penale të ndryshme, të cilat nuk janë specifikuar. Në datën 19 janar pritet të mbërrijë edhe një charter tjetër me shqiptarë të deportuar nga Britania.
