Janë sekuestruar 13 tonë pilula amfetamine nga Policia në Emiratet e Bashkuara Arabe që kontrabandoheshin në mobilje. Sipas mediave të huaja bëhet fjalë për 86 milionë pilula Captagon me vlerë më shumë se 1 miliard dollar të cilat u gjetën brenda një kontejneri të dyshimtë, duke shënuar kështu edhe një nga ngarkesat më të mëdha të pilulave të gjetura ndonjëherë.
Captagon quhet ndryshe edhe “kokaina e të varfërve “ dhe është një nga drogat më të njohura për të rinjtë në Gjirin Persik. Nuk është bërë e ditur se nga kanë ardhur pilulat, megjithatë Captagon dihet se prodhohet në sasi të mëdha në Siri. Ai u përdor gjerësisht nga xhihadistët për të qëndruar vigjilent.
Pas operacionit të organizuar nga Policia gjashtë persona u vunë në pranga nga autoritetet.
