LEZHË– Prend Marku, 56 vjeç dhe Martin Gjoka, 54 vjeç, janë dy viktimat e aksidentit fatal të regjistruar në orët e para të mëngjesit në vendin e quajtur “Kryqëzimi i Kallmetit” në Lezhë. Makina me të cilën ata udhëtonin, tip “Fiat” u përplas me një zetor, përplasje që rezultoi fatale për ta. Ata ndërruan jetë në vendin e ngjarjes. Ndërsa drejtuesi i zetorit Ardian Tomaj ka marrë dëmtime të lehta. Policia po heton ngjarjen.
NJOFTIMI I POLICISË:
Lezhë/Informacion paraprak Rreth orës 05:00, në vendin e quajtur “Kryqëzimi i Kallmetit”, shtetasi P. M. banues në Tale, Lezhë, duke drejtuar automjetin tip “Fiat”, ka goditur nga pas karrelin e një mjeti bujqësor zetor i drejtuar nga shtetasi A. T. banues në Gocaj, Lezhë. Për pasojë kanë ndërruar jetë drejtuesi i mjetit “Fiat” shtetasi P. M. 56 vjeç si dhe pasagjeri po në këtë mjet shtetasi M. Gj. 54 vjeç. Grupi hetimor vazhdon veprimet hetimore për sqarimin e plotë të rrethanave të aksidentit.
