SHKODËR– Nesti Velaj alias Ernest Veshtaj është 52-vjeçari i arrestuar në Malësi të Madhe në kuadër të operacionit antidrogë që çoi në zbulimin e 27 serave ku ishij të mbjella 8 mijë rrënjë kanabis.
Në njoftimin zyrtar të Policisë bëhet me dije se tre zyrtarë të Bashkisë Shkodër janë vënën nën hetim gjithashtu për të njëjtën ngjarje. Konkretisht: Gjovalin Gjekaj, me detyrë Drejtor i Shërbimit Pyjor në bashkinë Malësi e Madhe; Roland Gjekaj, 41 vjeç, me detyrë specialist i Ujësjellësit në bashkinë Malësi e Madhe (i cili mbulon zonën ku janë gjetur fidanët narkotikë) dhe Arben Hysaj 36 vjeç, me detyrë hidraulik i Ujësjellësit në bashkinë Malësi e Madhe (i cili mbulon zonën ku janë gjetur fidanët narkotikë).
Nesti Velaj akuzohet për veprat penale “Kultivimi i bimëve narkotike”, “Prodhimi dhe mbajtja pa leje e armëve të gjuetisë dhe sportive“ dhe “Prodhimi, mbajtja, blerja apo shitja pa leje e armëve të ftohta”, ndërsa zyrtarët për veprën penale “Shpërdorimi i detyrës”.
