DEVOLL-Dy drejtuesit e Komisariatit të Policisë së Devollit janë pezulluar nga detyra me urdhër të kryepolicit Muhamet Rrumbullaku. Konkretisht Besim Palamani shefi komisariatit, Admir Belishta shef i rendit, akuzohen për “shpërdorim detyre”. Dy drejtuesit kanë qënë në përgjim për më tepër se 3 muaj dhe dyshohet se kanë lejuar prerjen e paligjshme të pyjeve si edhe transportimin e tyre nga disa persona.
Pezullimi i tyre nga detyra dhe akuza e ngritur ndaj tyre po shqyrtohet në prokurorinë e rrethit gjyqësor Korçë, në bashkëpunim me Agjencinë e Mbikqyrjes Policore. Ndërkohë ende nuk ka një njoftim zyrtar nga Policia për këto pezullime të kryera.
