VLORË– Një plagosje me thikë është regjistruar pasditen e kësaj të premteje në lagjen “Partizani” në Vlorë. Raportohetr se një 33-vjeçar i identifikuar si Armando Mustafa ka goditur me thikë 52-vjeçarin Genci Serjani. Pas ngjarjes ai është larguar por arratia nuk ka zgjatur shumë dhe ai është vënë në pranga pas një ore. I plagosuri është dërguar menjëherë në spital ku ndodhet nën kujdesin e bluzave të bardha, jashtë rrezikut për jetën
NJOFTIMI I POLICISË:
Plagosi me mjet prerës (thikë), një 52-vjeçar, kapet pas një orë ndjekjeje nga shërbimet e Policisë, 33-vjeçari, autori i dyshuar i plagosjes. Sot, rreth orës 15:30, në lagjen “Partizani”, Vlorë, dyshohet se pas një konflikti për motive të dobëta, shtetasi A. M., 33 vjeç, ka plagosur me mjet prerës (thikë), shtetasin G. S., 52 vjeç, i cili ndodhet në spital, nën kujdesin e mjekëve. Falë reagimit në kohë dhe veprimeve të shpejta policore, pas një orë ndjekjeje, shërbimet e Policisë bënë të mundur kapjen dhe shoqërimin në ambientet e Komisariatit të Policisë Vlorë, të autorit të dyshuar të ngjarjes, shtetasit A. M., me qëllim kryerjen e veprimeve të mëtejshme procedurale. Grupi hetimor vijon punën për zbardhjen e plotë të rrethanave të kësaj ngjarjeje.
