TIRANË– Prokuroria e Durrësit ka kërkuar këtë të enjte pezullim nga detyra në shërbim publik dhe ndalim të daljes jashtë shtetit për 9 punonjës të ish-ALUIZNI-t dhe Inspektoriatit të Mbrojtjes së Territorit nën akuzën e shpërdorimit të detyrës. Mësohet se bëhet fjalë për Helio Huqin, Dorian Zazanin, Marsida Shanin, Gerald Kaci, Mario Kërtusha, Mirgen Ismaili, Julian Kacadei, Artemis Malko dhe Merushe Tehlën.
Ata akuzoehn për: “Shpërdorimi i detyrës kryer në bashkëpunim” dhe “Moskallëzim i krimit”. Organi i akuzës bën me dije se në vitin 2013, punonjës të ish-Aluizni-t Durrës kanë legalizuar disa pasuri të ndodhura në komunën Xhafzotaj, pjesë të të cilave ndodhen të ndërtuara mbi pasurinë e cila ka një sipërfaqe 2184 m2 dhe kategorizohet në zërin kadastral “Rrugë” me status juridik “shtet”.
